हरिः ओम्

Sloka Text in Telugu , Kannada, Gujarati, Devanagari, English

ಸುಂದರಕಾಂಡ.
ಅಥ ಏಕಪಂಚಾಶಸ್ಸರ್ಗಃ||

ತಂ ಸಮೀಕ್ಷ್ಯ ಮಹಾಸತ್ತ್ವಂ ಸತ್ತ್ವವಾನ್ ಹರಿಸತ್ತಮಃ|
ವಾಕ್ಯ ಮರ್ಥವದವ್ಯಗ್ರಃ ತಂ ಉವಾಚ ದಶಾನನಮ್||1||

ಅಹಂ ಸುಗ್ರೀವಸನ್ದೇಶಾತ್ ಇಹ ಪ್ರಾಪ್ತಃ ತವಾಲಯಮ್|
ರಾಕ್ಷಸೇಂದ್ರ ಹರೀಶಸ್ತ್ವಾಂ ಭ್ರಾತಾ ಕುಶಲಮಬ್ರವೀತ್||2||

ಭ್ರಾತುಃ ಶೃಣು ಸಮಾದೇಶಂ ಸುಗ್ರೀವಸ್ಯ ಮಹಾತ್ಮನಃ|
ಧರ್ಮಾರ್ಥೋಪಹಿತಂ ವಾಕ್ಯ ಮಿಹಚಾಮುತ್ರ ಚ ಕ್ಷಮಮ್||3||

ರಾಜಾ ದಶರಥೋ ನಾಮ ರಥಕುಜ್ಞರವಾಜಿಮಾಮ್|
ಪಿತೇವ ಬಂಧುರ್ಲೋಕಸ್ಯ ಸುರೇಶ್ವರ ಸಮದ್ಯುತಿಃ||4||

ಜ್ಯೇಷ್ಠಃ ತಸ್ಯ ಮಹಾಬಾಹುಃ ಪುತ್ರಃ ಪ್ರಿಯಕರಃ ಪ್ರಭುಃ|
ಪಿತುರ್ನಿರ್ದೇಶಾನ್ನಿಷ್ಕ್ರಾಂತಃ ಪ್ರವಿಷ್ಠೋ ದಂಡಕಾವನಮ್||5||

ಲಕ್ಷ್ಮಣೇನ ಸಹಭ್ರಾತ್ರಾ ಸೀತಾಯಾ ಚಾಪಿ ಭಾರ್ಯಯಾ|
ರಾಮೋ ನಾಮ ಮಹಾತೇಜಾ ಧರ್ಮ್ಯಂ ಪನ್ಥಾನಮಾಶ್ರಿತಃ||6||

ತಸ್ಯ ಭಾರ್ಯಾ ವನೇ ನಷ್ಟಾ ಸೀತಾ ಪತಿಮನುವ್ರತಾ|
ವೈದೇಹಸ್ಯ ಸುತಾ ರಾಜ್ಞೋ ಜನಕಸ್ಯ ಮಹಾತ್ಮನಃ||7||

ಸಮಾರ್ಗಮಾಣಸ್ತಾಂ ದೇವೀಂ ರಾಜಪುತ್ತ್ರಃ ಸಹಾನುಜಃ|
ಋಷ್ಯಮೂಕಮನುಪ್ರಾಪ್ತಃ ಸುಗ್ರೀವೇಣ ಸಮಾಗತಃ||8||

ತಸ್ಯ ತೇನ ಪ್ರತಿಜ್ಞಾತಂ ಸೀತಾಯಾಂ ಪರಿಮಾರ್ಗಣಮ್|
ಸುಗ್ರೀವಸ್ಯಾಪಿ ರಾಮೇಣ ಹರಿರಾಜ್ಯಂ ನಿವೇದಿತಮ್||9||

ತತಃ ತೇನ ಮೃಥೇ ಹತ್ವಾ ರಾಜಪುತ್ತ್ರೇಣ ವಾಲಿನಮ್|
ಸುಗ್ರೀವಃ ಸ್ಥಾಪಿತೋ ರಾಜ್ಯೇ ಹರ್ಯೃಕ್ಷಾಣಾಂ ಗಣೇಶ್ವರಃ||10||

ತ್ವಯಾ ವಿಜ್ಞಾತಪೂರ್ವಶ್ಚವಾಲೀ ವಾನರಪುಂಗವಃ |
ರಾಮೇಣ ನಿಹತ ಸಜ್ಞ್ಖ್ಯೇಶರೇಣೈಕೇನ ವಾನರಃ||11||

ಸ ಸೀತಾ ಮಾರ್ಗಮಾಣೇ ವ್ಯಗ್ರಃ ಸುಗ್ರೀವಸತ್ಯಸಂಗರಃ|
ಹರೀನ್ ಸಂಪ್ರೇಷಯಾಮಾಸ ದಿಶಃ ಸರ್ವಾ ಹರೀಶ್ವರಃ||12||

ತಾಂ ಹರೀಣಾಂ ಸಹಸ್ರಾಣಿ ಶತಾನಿ ನಿಯುತಾನಿ ಚ|
ದಿಕ್ಷು ಸರ್ವಾಸು ಮಾರ್ಗನ್ತೇ ಹ್ಯಥಶ್ಚೋಪರಿಚಾಮ್ಬರೇ||13||

ವೈನತೇಯಸಮಾಃ ಕೇಚಿತ್ ಕೇಚಿತ್ ತತ್ರಾನಿಲೋಪಮಾಃ|
ಅಸಂಗತಯಃ ಶೀಘ್ರಾ ಹರಿವೀರಾ ಮಹಾಬಲಾಃ||14||

ಅಹಂ ತು ಹನುಮಾನ್ನಾಮ ಮಾರುತಸ್ಯ ಔರಸಸ್ಸುತಃ|
ಸೀತಾಯಾಸ್ತು ಕೃತೇ ತೂರ್ಣಂ ಶತಯೋಜನಮಾಯತಮ್||15||

ಸಮುದ್ರಂ ಲಂಘಯಿತ್ವೈವ ತಾಂ ದಿದ್ರುಕ್ಷುರಿಹಾಗತಃ|
ಭ್ರಮತಾ ಚ ಮಯಾ ದೃಷ್ಟಾ ಗೃಹೇ ತೇ ಜನಕಾತ್ಮಜಾ||16||

ತದ್ಭವಾನ್ ದೃಷ್ಟಧರ್ಮಾರ್ಥಃ ತಪಃ ಕೃತ ಪರಿಗ್ರಹಃ|
ಪರದಾರಾನ್ ಮಹಾಪ್ರಾಜ್ಞ ನೋಪರೋದ್ಧುಂ ತ್ವಮರ್ಹಸಿ||17||

ನ ಹಿ ಧರ್ಮ ವಿರುದ್ಧೇಷು ಬಹ್ವಾಪಾಯೇಷು ಕರ್ಮಸು|
ಮೂಲಘಾತಿಷು ಸಜ್ಜನ್ತೇ ಬುದ್ಧಿಮನ್ತೋ ಭವದ್ವಿಥಾಃ||18||

ಕಶ್ಚ ಲಕ್ಷ್ಮಣಮುಕ್ತಾನಾಂ ರಾಮಕೋಪಾನುವರ್ತಿನಾಮ್|
ಶರಣಾಮಗ್ರತಃ ಸ್ಥಾತುಂ ಶಕ್ತೋ ದೇವಾಸುರೇಷ್ವಪಿ||19||

ನ ಚಾಪಿ ತ್ರಿಷು ಲೋಕೇಷು ರಾಜನ್ ವಿದ್ಯೇತ ಕಶ್ಚನ|
ರಾಘವಸ್ಯ ವ್ಯಳೀಕಂ ಯಃ ಕೃತ್ವಾ ಸುಖಮವಾಪ್ನುಯಾತ್||20||

ತತ್ತ್ರಿಕಾಲಹಿತಂ ವಾಕ್ಯಂ ಧರ್ಮ್ಯಮರ್ಥಾನುಬನ್ದಿ ಚ|
ಮನ್ಯಸ್ವ ನರದೇವಾಯ ಜಾನಕೀ ಪ್ರತಿದೀಯತಾಮ್||21||

ದೃಷ್ಠಾ ಹೀಯಂ ಮಯಾ ದೇವೀ ಲಬ್ದಂ ಯ ದಿಹ ದುರ್ಲಭಮ್|
ಉತ್ತರಂ ಕರ್ಮ ಯತ್ ಶೇಷಂ ನಿಮಿತ್ತಂ ತತ್ರ ರಾಘವಃ||22||

ಲಕ್ಷಿತೇಯಂ ಮಯಾ ಸೀತಾ ತಥಾ ಶೋಕಪರಾಯಣಾ|
ಗೃಹ್ಯಾಯಾಂ ನಾಭಿಜಾನಾಸಿ ಪಜ್ಞ್ಚಾಸ್ಯಾಮಿವ ಪನ್ನಗೀಂ||23||

ನೇಯಂ ಜರಯಿತುಂ ಶಕ್ಯಾ ಸಾಸುರೈರಮರೈರಪಿ|
ವಿಷಸಂಸೃಷ್ಟ ಮತ್ಯರ್ಥಂ ಭುಕ್ತಮನ್ನಮಿವೌಜಸಾ||24||

ತಪಃ ಸನ್ತಾಪಲಬ್ದಸ್ತೇ ಯೋsಯಂ ಧರ್ಮಪರಿಗ್ರಹಃ|
ನ ಸ ನಾಶಯಿತುಂ ನ್ಯಾಯ ಆತ್ಮ ಪ್ರಾಣಪರಿಗ್ರಹಃ||25||

ಅವಧ್ಯತಾಂ ತಪೋಭಿರ್ಯಾಂ ಭವಾನ್ ಸಮನುಪಶ್ಯತಿ|
ಆತ್ಮನಃ ಸಾಸುರೈರ್ದೇವೈರ್ಹೇತುಃ ತತ್ರಾಪ್ಯಯಂ ಮಹಾನ್||26||

ಸುಗ್ರೀವೋ ನಹಿ ದೇವೋऽಯಂ ನಾಸುರೋ ನ ಚ ರಾಕ್ಷಸಃ|
ನ ದಾನವೋ ನ ಗಂಧರ್ವೋ ನ ಯಕ್ಷೋ ನ ಚ ಪನ್ನಗಃ||27||

ತಸ್ಮಾತ್ ಪ್ರಾಣಪರಿತ್ರಾಣಂ ಕಥಂ ರಾಜನ್ ಕರಿಷ್ಯಸಿ|
ನ ತು ಧರ್ಮೋಪಸಂಹಾರಂ ಅಧರ್ಮಫಲಸಂಹಿತಮ್||28||

ತದೇವ ಫಲಮನ್ವೇತಿ ಧರ್ಮಶ್ಚಾಧರ್ಮನಾಶನಃ|
ಪ್ರಾಪ್ತ ಧರ್ಮಫಲಂ ತಾವತ್ ಭವತಾ ನಾತ್ರ ನ ಸಂಶಯಃ||29||

ಫಲಮಸ್ಯಾಪ್ಯಧರ್ಮ್ಯಸ್ಯ ಕ್ಷಿಪ್ರಮೇವ ಪ್ರಪತ್ಸ್ಯಸೇ|
ಜನಸ್ಥಾನವಥಂ ಬುದ್ಧ್ವಾ ಬುದ್ಧ್ವಾ ವಾಲಿವಥಂ ಪ್ರತಿ||30||

ರಾಮಸುಗ್ರೀವ ಸಖ್ಯಂ ಚ ಬುದ್ಧ್ಯಸ್ವ ಹಿತ ಮಾತ್ಮನಃ|
ಕಾಮಂ ಖಲ್ವಹ ಮಪ್ಯೇಕಃ ಸವಾಜಿರಥಕುಜ್ಞರಾಮ್||31||

ಲಂಕಾಂ ನಾಶಯಿತುಂ ಶಕ್ತಸ್ತಸ್ಯೈಷ ತು ನ ನಿಶ್ಚಯಃ|
ರಾಮೇಣ ಹಿ ಪ್ರತಿಜ್ಞಾತಂ ಹರ್ಯೃಕ್ಷಗಣಸನ್ನಿಧೌ||32||

ಉತ್ಸಾದನಮಮಿತ್ರಾಣಾಂ ಸೀತಾಯೈಸ್ತು ಪ್ರಧರ್ಷಿತಾ|
ಅಪಕುರ್ವನ್ ಹಿ ರಾಮಸ್ಯ ಸಾಕ್ಷಾದಪಿ ಪುರಂದರಃ||33||

ನ ಸುಖಂ ಪ್ರಾಪ್ನುಯಾದನ್ಯಃ ಕಿಂ ಪುನಸ್ತ್ವದ್ವಿಧೋ ಜನಃ|
ಯಾಂ ಸೀತೇ ತ್ಯಭಿಜಾನಾಸಿ ಯೇಯಂ ತಿಷ್ಟತಿ ತೇ ವಶೇ||34||

ಕಾಳರಾತ್ರೀತಿ ತಾಂ ವಿದ್ಧಿ ಸರ್ವಲಂಕಾವಿನಾಶಿನೀಂ|
ತದಲಂ ಕಾಲಪಾಶೇನ ಸೀತಾವಿಗ್ರಹರೂಪಿಣಾ||35||

ಸ್ವಯಂ ಸ್ಕನ್ಥಾವಸಕ್ತೇನ ಕ್ಷಮಮಾತ್ಮನಿ ಚಿನ್ತ್ಯತಾಂ|
ಸೀತಾಯಾ ಸ್ತೇಜಸಾ ದಗ್ಧಾಂ ರಾಮ ಕೋಪಪ್ರಪೀಡಿತಾಮ್||36||

ದಹ್ಯಮಾನಾ ಮಿಮಾಂ ಪಶ್ಯ ಪುರೀಂ ಸಾಟ್ಟಪ್ರತೋಳಿಕಾಂ|
ಸ್ವಾನಿ ಮಿತ್ತ್ರಾಣಿ ಮನ್ತ್ರೀಂಶ್ಚ ಜ್ಞಾತೀನ್ ಭಾತೄನ್ ಸುತಾನ್ ಹಿತಾನ್||37||

ಭೋಗಾನ್ದಾರಾಂ ಶ್ಚ ಲಂಕಾಂ ಚ ಮಾ ವಿನಾಶಮುಪಾನಯ|
ಸತ್ಯಂ ರಾಕ್ಷಸ ರಾಜೇಂದ್ರ ಶೃಣುಷ್ವ ವಚನಂ ಮಮ||38||

ರಾಮದಾಸಸ್ಯ ದೂತಸ್ಯ ವಾನರಸ್ಯ ಚ ವಿಶೇಷತಃ|
ಸರ್ವಾನ್ ಲೋಕಾನ್ ಸುಸಂಹೃತ್ಯ ಸಭೂತಾನ್ ಸ ಚರಾಚರಾನ್||39||

ಪುನರೇವ ತಥಾ ಸ್ರಷ್ಠುಂ ಶಕ್ತೋ ರಾಮೋ ಮಹಾಯಶಾಃ|
ದೇವಾಸುರ ನರೇನ್ದ್ರೇಷು ಯಕ್ಷರಕ್ಷೋಗಣೇಷು ಚ||40||

ವಿಧ್ಯಾಧರೇಷು ಸರ್ವೇಷು ಗನ್ಧರ್ವೇಷೂರಗೇಷು ಚ|
ಸಿದ್ಧೇಷು ಕಿನ್ನರೇನ್ದ್ರೇಷು ಪತತ್ರಿಷು ಚ ಸರ್ವತಃ||41||

ಸರ್ವಭೂತೇಷು ಸರ್ವತ್ರ ಸರ್ವಕಾಲೇಷು ನಾಸ್ತಿ ಸಃ|
ಯೋ ರಾಮಂ ಪ್ರತಿಯುಧ್ಯೇತ ವಿಷ್ಣುತುಲ್ಯ ಪರಾಕ್ರಮಮ್||42||

ಸರ್ವಲೋಕೇಶ್ವರ ಸ್ಯೈವಂ ಕೃತ್ವಾ ವಿಪ್ರಿಯ ಮುತ್ತಮಂ|
ರಾಮಸ್ಯ ರಾಜಸಿಂಹಸ್ಯ ದುರ್ಲಭಂ ತವ ಜೀವಿತಮ್||43||

ದೇವಾಶ್ಚ ದೈತ್ಯಾಶ್ಚ ನಿಶಾಚರೇನ್ದ್ರ ಗಂಧರ್ವವಿಧ್ಯಾಧರನಾಗಯಕ್ಷಾಃ|
ರಾಮಸ್ಯ ಲೋಕತ್ರಯನಾಯಕಸ್ಯ ಸ್ಥಾತುಂ ನಶಕ್ತಾಃ ಸಮರೇಷು ಸರ್ವೇ||44||

ಬ್ರಹ್ಮಾ ಸ್ವಯಂಭೂಶ್ಚತುರಾನನೋವಾ
ರುದ್ರಸ್ತ್ರಿಣೇತ್ರಃ ತ್ರಿಪುರಾನ್ತಕೋ ವಾ|
ಇನ್ದ್ರೋ ಮಹೇನ್ದ್ರೋಃ ಸುರನಾಯಕೋ ವಾ
ತ್ರಾತುಮ್ ನ ಶಕ್ತಾ ಯುಧಿ ರಾಮವಧ್ಯಂ||45||

ಸ ಸೌಷ್ಟವೋ ಪೇತ ಮದೀನವಾದಿನಃ
ಕಪೇರ್ನಿಶಮ್ಯಾಪ್ರತಿಮೋऽಪ್ರಿಯಂ ಚ|
ದಶಾನನಃ ಕೋಪವಿವೃತ್ತಲೋಚನಃ
ಸಮಾದಿಶತ್ ತಸ್ಯ ವಧಂ ಮಹಾಕಪೇಃ||46||

ಇತ್ಯಾರ್ಷೇ ಶ್ರೀಮದ್ರಾಮಾಯಣೇ ಆದಿಕಾವ್ಯೇ ವಾಲ್ಮೀಕೀಯೇ
ಚತುರ್ವಿಂಶತ್ ಸಹಸ್ರಿಕಾಯಾಂ ಸಂಹಿತಾಯಾಮ್
ಶ್ರೀಮತ್ಸುಂದರಕಾಂಡೇ ಏಕಪಂಚಾಶಸ್ಸರ್ಗಃ ||

|| Om tat sat ||